ეროვნული შეჯიბრი მოლაპარაკებებში!

ევროპის იურისტ სტუდენტთა ასოციაცია საქართველო (ELSA Georgia) გთავაზობთ ინოვაციურ პროექტს - ეროვნული შეჯიბრი მოლაპარაკებებში (National Negotiation Competition).

პროექტი წარმოადგენს მოლაპარაკების პროცესის სიმულაციას, რომელიც მიმდინარეობს იურისტი სტუდენტის ან/და ახალგაზრდა იურისტის შემადგენლობით დაკომპლექტებულ გუნდებს შორის.
პროექტის მიზანია, მოლაპარაკებების პროცესის სიღრმისეული შესწავლა, სტუდენტებში სამართლებრივი ცოდნის გაღრმავებითა და მათთვის არგუმენტირებული მსჯელობის უნარ-ჩვევების განვითარებით.

პროექტში მონაწილეობის მიღება შეუძლიათ საქართველოს კერძო და საჯარო უმაღლესი საგანმანათლებლო დაწესებულების ბაკალავრიატის, მაგისტრატურისა და დოქტორანტურის იურიდიული ფაკულტეტის, როგორც მოქმედ სტუდენტებს ისე კურსდამთავრებულებს. გუნდი უნდა შედგებოდეს 2 წევრისგან!

მონაწილეობის მიღების მსურველმა გუნდებმა, სააპლიკაციო ფორმა უნდა შეავსონ არაუგვიანეს 14 მაისის 18:00 საათისა.

სააპლიკაციო ფორმა იხილეთ მოცემულ ბმულზე:

https://forms.gle/LiaPv26o86VWscqRA

აპლიკაციის საფუძველზე შერჩეული გუნდები გაივლიან გასაუბრების ეტაპს(16 მაისი), რის შედეგადაც შეირჩევა პროექტში მონაწილე 4 საუკეთესო გუნდი.

შერჩეული გუნდები პროექტის თეორიულ ეტაპზე (17-19 მაისი) გაეცნობიან შემდეგ საკითხებს:

• მოლაპარაკების მნიშვნელობა, მისი უპირატესი და ნაკლოვანი მხარეები
• მოლაპარაკებებში გამოყენებული სტრატეგიები და ტექნიკა
• მოლაპარაკების პროცესის ეტაპები
• ფასეულობის შექმნა მის გადანაწილებამდე
• ემოციების მართვა
• ფსიქოლოგიური ზემოქმედება და სხეულის ენა

პროექტის პრაქტიკულ ნაწილში (შეჯიბრი მოლაპარაკებებში) მონაწილე გუნდებს წინასწარ განსაზღვრული შეფასების სისტემის საფუძველზე შეაფასებენ კვალიფიციური იურისტები.

*პროექტის ყველა მონაწილე მიიღებს მონაწილეობის დამადასტურებელ სერთიფიკატს

**პროექტში მონაწილობა უფასოა

***პროექტის სამუშაო ენაა ქართული;

****პროქტი სრულიად ჩატარდება ონლაინ ფორმატით.

დამატებითი ინფორმაციისათვის დაგვიკავშირდით:
✆ 555 75 76 89
✉ academicactivities@ge.elsa.org

მარიამ ბურკაძე
ვიცე-პრეზიდენტი აკადემიური საქმიანობის მიმართულებით